मकवानपुर – मकवानपुर प्रहरीले जिल्लाको विभिन्न स्थानमा गत आइतबारबाट संचालन भएको लागूऔषध गाँजा तथा अफिम खेती नष्ट गर्ने कार्य आजसम्म हुने जनाएको छ ।
प्रहरी टोली परिचालन गरी जिल्लाको राक्सिराङ र कैलाश गाउँपालिकाको विभिन्न स्थानमा लगाइएको गाँजा र अफिम खेती नष्ट गने कार्य आजसम्म हुने मकवानपुरका प्रहरी नायव उपरीक्षक लक्ष्मी भण्डारीले तु खबरलाई जानकारी दिए ।
उनका अनुसार, जिल्लाको राक्सिराङ गाउँपालिका र कैलाश गाउँपालिकाको विभिन्न वडामा लगाइएको गाँजा र अफिम खेती नष्ट गर्नको लागि १३७ जना प्रहरी टोली परिचालन गरेको थियो । ती टोली आज बेलुका फर्कने भएका हुन् ।
ती प्रहरी टोली फर्किएपछि केही दिनपछि फेरी अर्को टोली परिचान गरी गाँजा तथा अफिम खेती नष्ट गर्ने कार्यलाई तीब्रता दिइने उनले बताए ।
हाल परिचालित प्रहरी टोलीले आइतबार ३ बिगाहा, ८ कठ्ठा, सोमबार ६१ बिगाहा, ३ कठ्ठा र मंगलबार ५७ बिगाहा १५ कठ्ठामा लगाइएको गाँजा तथा अफिम खेती नष्ट गरेको प्रहरी नायव उपरीक्षक भण्डारीले बताए ।
