‘सङ्घीयताको सफल कार्यान्वयन गर्न प्रदेश र पालिकालाई अधिकार सम्पन्न बनाउनुपर्छ’



मोरङ, ९ असोज / नेपाल मजदुर किसान पार्टीका केन्द्रीय अध्यक्ष नारायणमान बिजुक्छेले सङ्घीयताको सफल कार्यान्वयनका लागि प्रदेश र स्थानीय पालिकालाई अधिकार सम्पन्न बनाउनुपर्ने बताउनुभयो ।

पार्टीद्वारा आज यहाँ आयोजित पत्रकार भेटघाट कार्यक्रममा उहाँले सङ्घीय सरकारले प्रदेश र पालिकालाई आफूसँग रहेको अधिकार प्रत्यायोजन गरेमा मात्र सही अर्थमा सङ्घीयताको मर्म लागू हुने धारणा राख्नुभयो ।

अध्यक्ष बिजुक्छेले मुलुकमा आर्थिक चलायमान गर्नका लागि सरकारले विकास निर्माणमार्फत पूँजीगत रकम खर्च गर्नुपर्नेमा जोड दिनुभयो ।

एक प्रश्नको जवाफमा उहाँले सुन तस्करी, भुटानी शरणार्थी र ललिता निवासजस्ता आपराधिक कार्यको छानबिन सम्बन्धित निकायबाट छिनोफानो गरेमा सत्यतथ्य सार्वजनिक हुने विचार राख्नुभयो । अध्यक्ष बिजुक्छेले समाजमा साम्प्रदायिक सद्भाव कायम गर्न एक अर्काले सबै धर्म, संस्कृतिको सम्मान र संरक्षण गर्नुपर्नेमा जोड दिनुभयो ।

उहाँले पार्टीको सङ्गठन विस्तारका लागि तराई, पहाड र हिमालका घरघरमा कार्यकर्ताले विधारधारा पु¥याउने कार्य अहिलेदेखि सुरु गरेको जानकारी दिनुभयो ।



प्रतिक्रिया दिनुहोस !
ताजा
सम्बन्धित खबरहरु

तातोखबर, काठमाडौँ । नेपाल टेलिकमका सेवाग्राहीले परीक्षणका रुपमा एक महिनासम्म निःशुल्क डाटा सुविधा उपभोग गर्न पाउने छन् । नेपाल टेलिकमले

तातोखबर, काठमाडौँ : एनसेलको शेयर खरिद प्रकरणमा आजियाटाविरुद्ध सर्वोच्च अदालतमा दायर रिट आज हेर्न नभ्याइनेमा परेको छ। न्यायाधीश कुमार रेग्मीको एकल

तातोखबर, काठमाडौँ । ग्लोबल आइएमई बैंक लिमिटेडलको एकैसाथ ४ वटा नयाँ शाखा कार्यालयहरू सञ्चालनमा आएको छ । बैंकले काठमाडौँको बुढानीलकण्ठ