NTC App - Ad

बागमती प्रदेशसभाको पाँचवटा विषयगत समिति निर्माण

bagmati-pradesh-shabha

हेटौँडा । बागमती प्रदेशसभाको पाँचवटा विषयगत समिति निर्माण भएका छन् । मंगलबार बसेको प्रदेश सभा बैठकमा प्रदेशसभा सभामुख भुवन पाठकले समितिमा रहने सभासदहरुको नाम पढेर सुनाएका थिए ।

समितिको विषयमा सबै दलले समर्थन गरेका छन् । प्रदेश सभामा रहने प्रदेश मामिला समिति, उद्योग पर्यटन वन तथा वातावरण समिति, अर्थ तथा विकास समिति, सार्वजनिक लेखा समिति, शिक्षा स्वास्थ्य तथा कृषि समिति निर्माण भएका छन् ।

Advertisement:bagmati-pradesh-shabha

दलीय भागवण्डामा कुरा नमिल्दा विषयत संसदीय समितिहरू गठन हुन सकेका थिएनन् । मंगलबार आगामी आर्थिक वर्ष २०८०/०८१ को बजेटमाथिको छलफल गर्न बोलाइएको प्रदेशसभा बैठकबाट एकै पटक प्रदेशसभाका ५ वटा संसदीय समिति गठन भएका छन् ।

प्रतिपक्षले समिति गठनमा दबाब दिँदासमेत भागवण्डा नमिल्दा सत्ता पक्षले समिति गठनमा चासो देखाएको थिएन । बजेट पास गर्नुपर्ने बाध्यतामा रहेको सरकारले भागवण्डा मिलाएर मंगलबार समिति गठनको बाटो खुला गरेको थियो ।

यसअघि माघ तेस्रो हप्तामा बसेको प्रदेशसभा बैठकबाटै संसदीय समिति गठन गर्ने तयारी थियो । सभामुख भुवनकुमार पाठकले सहमति जुटाउन प्रयास गरे पनि दलहरूबीच भागवण्डाको कुरा मिल्न सकेको थिएन ।

bagmati-province-subject-wise-committee-formation1bagmati-province-subject-wise-committee-formation

Daju Bhai Sweets - Hetauda

प्रतिक्रिया दिनुहोस् :