काठमाडौं:
सवारीसाधनको गति नाप्ने अभियान तीव्र, कुन सडकमा कति स्पिडमा कुदाउने ?
काठमाडौं उपत्यका ट्राफिक प्रहरी कार्यालयले विभिन्न सडकमा कुदाउने सवारीसाधनको गति सीमा निर्धारण गरेको छ। कार्यालयका अनुसार अब कलंकी–कोटेश्वर सडकखण्डमा प्रतिघण्टा ५० किलोमिटर गति सीमा तोकिएको छ।
सर्भिस ट्रयाकमा प्रतिघण्टा २० किलोमिटर गति तोकिएको छ। त्यस्तै, कोटेश्वर–भक्तपुर सडकखण्डमा ५० किलोमिटर तोकिएको छ। यी गति सीमाविपरीत बढी गतिमा कुदाए कारबाही परिनेछ।
सवारी दुर्घटना न्यूनीकरण तथा रोकथामका लागि गति सीमा निर्धारण गरिएको ट्राफिक कार्यालयले जनाएको छ। उपत्यकाका विभिन्न स्थानमा आवश्यकताअनुसार गति सीमा तोकि बोर्डहरू पनि राखिएको ट्राफिक कार्यालयले जनाएको छ।
उपत्यकामा ट्राफिक दुर्घटना रोक्नका लागि ट्राफिक प्रहरिले उपकरण थप गरेर विभिन्न ठाउँमा दैनिक जसो चेकिङ्ग गर्ने भएको छ । तिब्र गतिमा सवारि चलाएर उपत्यकामा दैनिक जसो दुर्घटना भएर मृत्यु तथा अंगभंग हुने क्रम बढेकाले सरकारले यसलाई कडाई गर्ने तयारी गरेको छ । यी गति सीमाविपरीत बढी गतिमा कुदाए ट्राफिक प्रहरिले कारबाही गर्ने भएको छ।
