मनाङ, ४ मंसिर / प्रतिनिधिसभा तथा प्रदेशसभा सदस्य पदको निर्वाचनमा हिमाली जिल्ला मनाङमा शान्तिपूर्ण रुपमा मतदान सम्पन्न भएको छ । जिल्लाका ४ वटा स्थानीय तहका २९ मतदानस्थलमा शान्तिपूर्ण मतदान सम्पन्न भएको हो ।
मनाङमा झण्डै ७३.३ प्रतिशत मत खसेको जिल्ला निर्वाचन कार्यालय मनाङले जनाएको छ । प्राप्त जानकारीअनुसार निर्वाचनको निर्धारित तालिकाबमोजिम विहान ७ बजेबाट शुरु भएको मतदान कार्य सबै मतदान केन्द्रहरुबाट कुनै अवरोध सृजना नभई सम्पन्न भएको जिल्ला प्रशासन कार्यालय मनाङले जानकारी दिएको छ ।
हिमाली जिल्ला मनाङमा कारागार अस्थायीसहित जम्मा २९ मतदान केन्द्र रहेका छन् । मनाङमा कूल मतदाताको सङ्ख्या ६ हजार ७ सय ७९ छ रहेको छ जसमा महिला ३ हजार ४ सय ९८ र पुरुष ३ हजार २ सय २१ रहेका छन् ।
