नेपाल कुनै पनि सैन्य गठबन्धनमा सहभागी हुँदैनः प्रधानसेनापति शर्मा
काठमाडौं, असार ३ । नेपाली सेनाका प्रधानसेनापति प्रभुराम शर्माले स्टेट पार्टनरसीप प्रोग्राम (एसपीपी) नेपालको हितमा नभएको स्पष्ट पारेका छन् । एसपीपीबारे प्रतिनिधिसभाको अन्तर्राष्ट्रिय सम्बन्ध समितिको शुक्रबार बिहान बसेको बैठकमा जवाफ दिँदै शर्माले उक्त कुरा बताएका हुन् ।
मिडियामा जे विषय कुरा आए पनि त्यसमा सत्य छैन र नेपाल कुनै पनि सैन्य गठबन्धनमा सहभागी नहुने उनले स्पट पारेका छन् । सैन्य गठबन्धनसम्बन्धी अमेरिकी अधिकारीहरुलाई जानकारी दिइसकेको र शर्माले नेपाली सेनाले शान्ति स्थापनार्थ खटिएका टोलीको निरीक्षणका लागि अमेरिकाको भ्रमण गर्न लागेको स्पष्ट पारे ।
अमेरिकालाई नेपाल सरकार र रक्षा मन्त्रालयको स्वीकृतिमा एसपीपी सम्बन्धी पत्र पठाइएकोबारे प्रधानसेनापति शर्माले स्वीकार गरे । पत्रमा सैन्य गठबन्धनका लागि नलेखिएको उनले बताए । नेपाली सेनाले लेखेको पत्र बाहिरी चर्चामा आएको छ, त्यो सत्य हो तर चिठीमा सैन्य अलाएन्स लेखिएको छैन । भूकम्पको बेला मानवीय सहायताका लागि भनेर पत्र लेखिएको थियो, उनले बैठकमा बताए ।
सैन्य गठबन्धनमा सहभागी हुने भन्ने कुरामा सत्य छैन ‘मैले सैन्य गठबन्धन हुँदैन भनेर अमेरिकी अधिकारीहरुलाई जानकारी गराई सकेको उनले सांसदहरुसँग भने ।
सभारः गोरखापत्र अनलाईन ।
प्रतिक्रिया दिनुहोस् :
तातोखबर
-
१.
द्रुतमार्गको हालसम्मको भौतिक प्रगति ३३.२ प्रतिशत
-
२.
नेशनल पेमेन्ट गेट-वे खरिद प्रकरण : सुनिल पौडेल दोषी ठहर, वैशाख २५ मा सजाय तोकिने
-
३.
नेकपा एमालेको हीरक महोत्सव : प्रचण्ड र देउवालाई निम्तो
-
४.
भित्री वस्त्रमा लुकाएर ल्याएको करिब ८५० ग्राम सुन सहित महिला पक्राउ
-
५.
संविधानअनुसार नै मुख्यमन्त्री बनेको र संविधानअनुसार अघि बढ्ने : मुख्यमन्त्री कार्की