पोखरा, २५ मंसिर / १८ औं अन्तर्राष्ट्रिय पर्वतीय दीवस नेपालकै प्रख्यात पर्यटकीय क्षेत्र गण्डकी प्रदेशको राजधानीमा पोखरामा मनाईयो । पर्यटन तथा नागरिक उड्ड्ययन मन्त्री प्रेमबहादुर आलेलेको प्रमूख आतिथ्यतामा एक समारोहको आयोजना गरी १८ औं अन्तर्राष्ट्रिय पर्वतीय दिवस मनाईएको हो ।
समारोहलाई सम्बोधन गर्दै मन्त्री आलेले पर्यटन विकासका लागि सरकारले गर्ने लगानी उधारो बजेटबाट नगर्ने बताए । उनले भने ‘हामी सबै कारोबार नगदमा गर्नेछौं । पोखराको पर्यटन प्रवद्र्धन गर्न व्यवसायीले राखेको माग वर्तमान सरकारले पूरा गर्दै आएको छ । म पोखरा आउँदा पञ्चासे, बराह मन्दिर, विन्ध्यावासिनी मन्दिर लगायतमा बजेट माग गरिएको थियो, काठमाडौं जाने बित्तिकै बजेटको व्यवस्था गरेर टेण्डर प्रक्रियामा गएको छ ।’
मन्त्री आलेले पर्यटन क्षेत्रको विकासमा सरकार लागिपरेको कुरा आफूले बोलेको मात्रै नभएर व्यवहारमा देखिएको उनले दावी गरे । उनले पोखरा देशकै एउटा लोकप्रिय पर्यटकीय गन्तव्य भएकै कारण पोखरालाई पर्यटनको राजधानी घोषणा गर्न सरकार तयार रहेको बताए । अन्तर्राष्ट्रिय पर्वतीय संग्रहालयकी निर्देशक निर्मला न्यौपानेले संग्रालयको छाने मर्मत गर्न बजेटको व्यवस्था गरिदिन आग्रह गरेको जवाफमा मन्त्री आलेले जीर्ण छानो मर्मत सम्भार गर्न काठमाडौं फर्केर बजेटको व्यवस्था गर्ने आश्वासन दिए ।

Advertisement: