NTC App - Ad

४९ मत सहित राजेन्द्र राई भए प्रदेश १ को मुख्यमन्त्री

काठमाडौं, १७ कार्तिक / प्रदेश १ मा ४९ सांसदहरुको समर्थन मतसहित एकीकृत समाजवादीका नेता राजेन्द्र राई मुख्य मन्त्री नियुक्त भएका छन् । संविधानको धारा १६८ (२) अनुसार रार्ई मुख्यमन्त्री नियुक्त भएका हुन् ।
प्रदेश १ मा सोमबार मुख्य मन्त्री भीमप्रसाद आचार्यले सोमबार आफ्नो पदबाट राजीनामा दिएपछि सोमबार नै राईले ४९ जना सांसदको समर्थनसहित प्रदेश १ को मूख्य मन्त्री पदमा आफ्नो दावी पेश गरेका थिए । मूख्यमन्त्री आचार्यले पदबाट राजीनामा दिएपछि मंगलवार दिउँसो १ बजेसम्मका लागि दाबी पेश गर्न प्रदेश प्रमुखले दिएको समय सीमाअनुसार उक्त समयावधि सकिएसँगै प्रदेश प्रमुख अधिकारीले प्रदेश १ को मुख्यमन्त्रीको रुपमा राईलाई नियुक्त गरेका हुन् ।
माओवादी केन्द्र, नेपाली कांग्रेस, जनता समाजवादी पार्टी, संघीय लोकतान्त्रिक मञ्च लगायत दलको समर्थनमा नेकपा एकीकृत समाजवादीका सचिव एवं प्रदेश संसदीय दलका नेता राजेन्द्र राई प्रदेश १ को मुख्यमन्त्री बन्न पुगेका हुन् । मूख्यमन्त्री पदमा नियुक्ती दिएपछि उनलाई मंगलबार दिउँसो २ बजे प्रदेश प्रमुख सोमनाथ अधिकारी प्यासीले मुख्यमन्त्रीको पद तथा गोपनियताको सपथ दिलाएका थिए । सपथ लिएसँगै राईले मंगलवार नै सानो आकारको आफ्नो मन्त्रीमण्डल गठन गरेका छन् ।

Advertisement:
Daju Bhai Sweets - Hetauda

प्रतिक्रिया दिनुहोस् :